1. Pod hrodom steji ryzy kóń,
wšitkón mi w židźe, somoće,

2. Wšitkón mi w židźe, somoće,
wšitkón mi k wójnje hotowy,

3. Do złotej’ wuzdy wuzd’wany,
ze złotym pasom wopasany.

4. Luby tón konika sed’waše,
holčka pak brěmješka wjazaše.

5. »Hdy da ty budźeš zaso přińć,
mój luby najlubši?«

6. »Hdyž budźe sołobik zaspěwać
srjedź morja sedźicy,

7. Hdyž budźe kokula zakukać
srjedź zymy twjerdeje,

8. Da chcu so druhej slubić dać,
moja pak dyrbi pódla stać.«