1. Bještaj tam, bještaj tam putnikaj dwaj,
Khodžo sej hospodu prošeštaj.

2. Khodžo sej hospodu prošeštaj,
Khodžo sej hospodu pytaštaj.

3. Nadejšłój, nadejšłój korčmički tsi,
Do teje sredžneje zańdžeštaj;

4. K temu mi falšnemu korčmarej:
›Neby naj’, korčmarje, hospodował?‹

5. »Nócku ’cył waju drje hospodować,
»Hejzo mi ’cetaj być swjernaj hosćaj.«

6. ›Mój ’cemój swjernaj ći hosćaj być,
›Mój pak ći nechamój ničo ’zać.‹

7. Dyž bje so minyło wo pół nócki,
Falšny tón korčmaŕ tam horjestaže.

8. ’Za wón swój, ’za wón swój złoty nóp,
Kiž jeho khoštwaše tsi sta kóp.

9. Tykny jón młodemu do kobełki,
Młodemu putnikej do kobełki.

10. Dyž bje so minyło nazajtra ranko,
Putnikaj so tam preč hotowaštaj.

11. Putnikaj so tam preč hotowaštaj,
Jara so hospody džakowaštaj.

12. Mały kusk dale tam pšindžeštaj,
Korčmaŕ tón za nimaj poča wołać:

13. »Stejtaj a čakajtaj, putnikaj dwaj!
»Wój staj mi ’załój mój złoty nóp.«

14. »Wój staj mi ’załój mój złoty nóp,
»Kiž me tu khoštuje tsi sta kóp.«

15. Stary tón młodemu praješe:
›Sy ty tón nóp ’zał, ty synko mój?‹

16. »Nejsy jón ty brał, ty nanko mój,
»Ja jón pak tola tež nejsym brał.«

17. Falšny tón korčmaŕ pšec’ pomasa,
Pomasa młodemu do kobełki.

18. Wućeže z neje tón złoty nóp,
Kiž jeho khoštwaše tsi sta kóp.

19. Ćjerjachu woni so k rychtarej,
K temu mi sprawnemu rychtarej.

20. Putnika k šibeńcy wusudžichu,
Młodeho putnika wojbesnychu.

21. Stary tón młodemu praješe:
›Wisaj tu, synko mój, ljetko a džeń.‹

22. ›Wisaj tu, synko mój, ljetko a džeń,
›Ja pšindu zas’ za ljetko a džeń.‹

23. Dyž bje so minyło ljetko a džeń,
Stary tón putnik tam k młodom’ pšińdže.

24. ›’Šak sy šće, synko mój, pšeco žiwy!
›Štóha je tola ći hečku stajał?‹

25. »Swjata je Marja ju stajała,
»’Šitcy su sweći jjesć nosyli.«

26. Stary tón putnik dže korčmarej:
›Korčmarjo! hišće je žiwy mój syn!‹

27. »Temu ja wjerić ći nebudu,
»Ja mam tu khjejži tsi suche kije:«

28. »Dyž woni młodžinu krydnyć budža,
»Da budu temu tež wjerići.«

29. Kije te młodžinu krydnychu,
Falšny tón korčmaŕ pak newjereše.

30. »Trubeli mam ja tsi pečene kury:
»Dyž wone pera bdža krydnyći,«

31. »Hišće mi z wóknom won zezljetować,
»Da budu temu tež wjerići.«

32. Kury te pera pšec’ krydnychu,
Hišće jom’ z wóknom won zezljetachu.

33. Hišće jom’ z wóknom won zezljetachu,
Falšny tón korčmaŕ tón wjerić dyrbi.

34. Ćjerjachu woni so k rychtarej,
K temu mi sprawnemu rychtarej.

35. Korčmarja k šibeńcy wusudžichu,
Falšneho korčmarja wojbesnychu.

36. Korčmaŕ tón newisy bjertlk štundy,
Hižom bje wón tam tež čisćje morły.