1. ›Njetk’lej mi powez, ty holečo,
›Dyha ’ceš wo-prawdži moje być?‹

2. »Dyž stara baba ’dže młoda bywać,
»Potom mój swojej budžemoj.«

3. ›Njetk’lej mi powez ty, holečo,
›Džeha mój zmjejemoj wobydlenje?‹

4. »Wot hałžkow zmjejemoj khježčičku,
»Wot lisća zmjejemoj wókneško.

5. ›Njetk’lej mi powez ty, holečo,
›Kajkich mój zmjejemoj kwasarjow?‹

6. ’Šitka ta džiwja zwjerina
Budža ’šak naju kwasarjo.

7. Kokul tón budže za brašku,
Kokulina pak za słónku,

8. Łastolčka z čerẃenym horleškom
Ta budže namaj družčička.