1. »Přahajtaj, hólcaj, wšě štyri brune,
chcemoj mój do Łaza na piwo jěć,
hale ho, hale hej,
hale na piwo jěć.«

2. Do poł tam Łaza přijědźeštaj,
před Hobkec dworom zastaštaj,
hale ho, hale hej,
hale zastaštaj.

3. Hobcyna po dworje chodźeše,
w swojim tym zelenym kožušku,
hale ho, hale hej,
hale kožušku.

4. »Witajtaj, witajtaj, hólcaj dwaj,
našeje dźowki brejeraj,
hale ho, hale hej,
hale brejeraj!«

5. »Njehladajće dołho witanja,
ale njech dźowka jow won přińdźe,
hale ho, hale hej,
hale won přińdźe.«

6. »Wona won k wamaj přińć njebudźe,
w nowej so komorce hotuje,
čerwjene ličko sej škryduje,
hale ho, hale hej,
hale škryduje.«

7. Hólcaj taj do jstwy nutř stupaštaj,
dźowka ta poča dobywać,
čerwjene ličko krydować,
hale ho, hale hej,
hale krydować.

8. Štyri so swěcy jej swěćachu.
štyrjo jej hercy hrajachu,
hale ho, hale hej,
hale hrajachu.

9. Rjeńša ta dźowka Hobkec je,
rjeńši tón jejny luby je,
hale ho, hale hej,
hale luby je.