1. »Kak da přińdu, lubka, k tebi,
zo mje nichtó njesłyši?
Kak, ty Hanka, kak, kak, kak, kak,
kak, ty Hanka, kak, kak, kak?«

2. »Stupnički a štrympički,
to je jedyn sćicha chód.
Tak, ty Janko, tak, tak, tak, tak,
tak, ty Janko, tak, tak, tak.«

3. »Kak da přińdu do komorki,
do komorki k tebi nutř?
Kak, ty Hanka, kak, kak, kak, kak,
kak, ty Hanka, kak, kak, kak?«

4. »Zběhń tu klinku, sćehń tu šnórku,
tak ty přińdźeš do komorki.
Tak, ty Janko, tak, tak, tak, tak,
tak, ty Janko, tak, tak, tak.«

5. »Hdźe da cholowy ’du wěšeć,
hdyž ja potom lehnyć du?
Hdźe, ty Hanka, hdźe, hdźe, hdźe, hdźe,
hdźe, ty Hanka, hdźe, hdźe, hdźe?«

6. »Wyše łoža tam je hozdźik,
tam ’dźeš wěšeć cholowy.
Tam, ty Janko, tam, tam, tam, tam,
tam, ty Janko, tam, tam, tam.«