1. Što tu młodu holcu debuje?
Jeje ličko čerwjene,
jeje čołko błyšćate,
to tu młodu holcu debuje.

2. Što tu młodu holcu debuje?
Jeje wěnašk rućany,
jeje pjeršćeń slěborny,
to tu młodu holcu debuje.

3. Što tu młodu holcu wohidźi?
Jeje ručcy mazanej,
jeje nóžcy błóćanej,
to tu młodu holcu wohidźi.

4. Što tu młodu holcu wohidźi?
Jeje štrympka roztorhana,
jeje hłójčka njehładźena,
to tu młodu holcu wohidźi.