1. »Na tebi je widźeć, rjane holičo,
zo maš starosć na sebi.

2. Twojej stej ći ličičce zwoblědnyłoj,
barbički stej zhubiłoj.

3. Wonej njejstej wjac tak rjanej čerwjenej,
kaž po’ starej’ maćerje.

4. Kaješ so ty, rjane holčo, mojedla,
wróć so zaso k maćeri.«

5. »Kaju so ja twojedla abo njekaju,
k maćeri so njewróću.

6. Mi dźě je mój luby wjele lubšiši,
dyžli moja stara mać.

7. Mi dźě je mój luby wjele lubšiši,
dyžli mojej bratraj dwaj.«