1. Ja sym zrudna a njesmju prajić
pře mojoh luboh najlubšoh.

2. Wón je mi dobru nócku zawdał,
to pak njewěm, čohodla.

3. To drje je wěsće tehodla,
zo sym wčera z druhim šła.

4. Z druhim pak ja nic njejsym šła,
ale słowčko sym z nim prajiła.

5. Nět ja póńdu, hdźež budu wědźeć,
puće a šćežki wšudźom du.

6. Přez to Łobjo, přez to morjo,
wšudźom te zrudne mysle sobu du.

7. Hdy by to mój luby wědźał,
by mje wón přišoł tróštować.

8. To drje wšak wón dawno wě,
ale wo mnje wón wjacy njerodźi.