1. Pili su tam, hrali
tři młodźi zemjenjo,
tři młodźi rajtarjo

2. Falšnu radu radźachu,
kak bychu tu holičku
móhli z lesću wobrěčeć,

3. Zo bychu ju přinjesli
wo tule tu jeje česć,
wo jej’ wěnac rućany.

4. Bóh pak je tej holičce
tajki dobry rozumčk dał,
zo je wona stejała,

5. Pod durjemi poskała,
poskała haj poskała.
Wšitko je tam słyšała,

6. Kak tam sebi radźiwši
||: radźičku sej radźachu. :||

7. K njej je přišoł rajtarik
||: na tym konju šumjelku. :||

8. »Spiš ty abo njespiš,
||: moje rjeńše holičo?« :||

9. »Spju ja abo njespju,
||: nutř će tola njepušću. :||

10. »Pušćiła sej šelmu nutř,
||: móhła so ja wěčnje kać. :||

11. Staj ty twojoh konika
||: pod tu lipu zelenu. :||

12. Přestrěj ty twój mantl
||: na tu trawu zelenu.« :||

13. »Je tu jara ćěmna ćma,
||: dźe so jara zymny dešć.« :||

14. »Lěpje sebi pósćeleš,
||: lěpje budźeš ty tež spać. :||

15. Budźeš-li so modlići,
||: budźe će Bóh zwarnować. :||

16. Budźeš-li ty sakrować,
||: budźe će Bóh štrafować.« :||