Přijěł je z Mišna młody pan

2. ||: Přěhrał je kubło, pjenjezy, :||
třiceći wozow wojerskich.

3. ||: Štyrceći konjow rajtarskich, :||
na kóždym konju pacholo,

4. ||: Kiž z’ swětłym mječom zejhrawa. :||
Dwaj pak staj jemu ćeknyłoj.

5. ||: Pod hórku jedna korčmička, :||
we teji korčmje korčmarka.

6. ||: Tam přijěłoj staj pachołaj :||
a za blido so sydnyłoj.

7. ||: »Nětk namaj porjedź, korčmarka, :||
toh piwa, wina wšeho dosć!«

8. ||: »Dźitaj, wój slěpcaj slěpcowskaj, :||
wój žanoh kroša nimataj.«

9. ||: Pachoł tón skoči, wobskoči, :||
tři sta jom z kapsy wuskoči.

10. ||: »Nětk namaj powěz, korčmarka, :||
zo hólcaj kroša nimataj.«

11. ||: Na tym so dźiwa korčmarka, :||
hdźe slěpcaj pjenjez bjerjetaj.

12. ||: »Wój staj mi slěpcaj slěpcowskaj, :||
wój staj sej pjenjez kradnyłoj.«

13. ||: »Mój jelenje smój třělałoj, :||
tež něšto młodych sornikow.«

14. ||: »Z tym smój sej pjenjezy warb’wałoj, :||
zo móžemoj nětk pić a hrać.«