1. Ja stejach horkach na horje
a hladach do doła,
ja widźach łódź tam jězdźić,
na łódźi hólcow třoch.

2. Tón najrjeńši, tón najmłódši,
kiž srjedźa sedźeše,
tón mi tu žeńtwu slubi,
tak młody hač wón bě.

3. Wón zawda mi swój pjeršćeń,
swój pjeršćeń slěborny.
»Da wzmi, da wzmi, tón pjeršćeń,
tón pjeršćeń slěborny.

4. Hdyž b’dźe će maćer prašeći:
›Hdźe sy jón krydnyła?‹,
da praj ty twojej maćeri,
zo sy jón nam’kała.«

5. »Moju mać ja wobłhać njemóžu,
to so mi njelubi.
Wjele radšo chcu ja prajići:
›Tón młodźenc chce mje měć.‹«