1. Jězdźił knjez hólčik tam a sem
po tej mi holi Drježdźanskej,
po tej mi dróze Kinsporkskej.

2. Zetkali su joh tam zemjenjo,
||: před nim sej kłobučki zejmowali. :||

3. »Njezejmujće sebi kłobučki,
||: wšako sym chudeho bura syn.« :||

4. »Hdy by ty był chudoh bura syn,
||: njeby dźě chodźił w tej lindyr sukni. :||

5. Njeby dźě nosył toh swětłoh mječa,
||: njeby dźě chodźił w tresatym kłobučku. :||

6. Přeco su hólčika popadnyli,
do tórma Drježdźanskoh sadźili,
do toho jastwa mi Drježdźanskeho.

7. Pisał knjez hólčik swojom nanej dom:
»Předaj, mój nano, tej’ čornej’ konjow,
wupłać mje z jastwa Drježdźanskeho.«

8. »Hdy by, mój syno, što hódny był,
||: da njeby w jastwje ty Drježdźanskim był.« :||

9. Pisał knjez hólčik swojej maćeri dom:
»Předaj, moja maći, tej čornej kruwje,
wupłać mje z jastwa Drježdźanskeho.«

10. »Hdy by, mój syno, što hódny był,
||: da njeby w jastwje ty Drježdźanskim był.« :||

11. Pisał knjez hólčik swojej sotře dom:
»Předaj, moja sotřička, lindyr suknju,
wupłać mje z jastwa Drježdźanskeho.«

12. »Hdy by, mój bratře, što hódny był,
||: da njeby w jastwje ty Drježdźanskim był.« :||

13. Pisał knjez hólčik swojej lubce dom:
»Předaj, moja lubka, pjeršćeń slěborny,
wupłać mje z jastwa Drježdźanskeho.«

14. Běžała lubčička do Drježdźan,
||: wupłaćiła hólčika z jastwa won. :||

15. Ze złotom haj a ze slěborom,
||: z dejmantom, z wosobnymi kamuškami. :||

16. »Wopasaj sebi swój swětły mječ,
wobleč so lindyr sukničku,
zjězdźowaj po holi Drježdźanskej.«