1. Wowčeŕ tam paseše zeleny hajk,
Wowcy so bjelachu jako tón snjeh,
Wowčeŕ tam khodžeše jako tón knez.

2. Džjechu tam nimo njoh’ wele ludži,
Wšitcy jom’ »Pomhaj bóh« prajachu,
Wšitcy sej kłobučki zejmowachu.

3. ›Pše-čo sej kłobučki zejmujeće?
:,: ›Šako džje žadyn ja zemjan nejsym.‹ :,:

4. »Dy by ty žadyn mi zemjan nebył,
»Somoći, židži ty neby khodžił,
»Tresatoh’ kłobučka neby nosył.«

5. ›Kahada nedyrbjał rjany khodžić,
›Dyž me moja lubka tak lubo ma,
›Zo je tak renje me zwoblekała.‹

6. »Nedawaj, nedawaj horde słowa,
»Aby će do tórma ćisnemy,
»Do teho tórma mi twerdoh’ jastwa.«

7. ›Ja widžu, ja słyšu, mój nan tón jow dže:
›Zastaj šak, nano mój, pół sta wowcow,
›Wupłać mi žiwenje z twerdoh’ jastwa.‹

8. Pół sta su wowcow mi wele lubše,
:,: Dyžli ty, syno mój neposłušny. :,:

9. ›Ja widžu, ja słyšu, moja maćeŕ jow dže:
›Zastaj, moja maćerka, čornej kruwje,
›Wupłać mi žiwenje z twerdoh’ jastwa.‹

10. Čornej stej kruwje mi wele lubšej,
:,: Dyžli ty, syno mój neposłušny. :,:

11. ›Ja widžu, ja słyšu, mój bratsik jow dže:
›Zastaj, mój bratsiko, ryzy konja,
›Wupłać mi žiwenje z twerdoh’ jastwa.‹

12. Mi je mój ryzy kóń wele lubši,
:,: Dyžli ty, bratśe mój neposłušny. :,:

13. ›Ja widžu, ja słyšu, moja so sotra jow dže:
›Zastaj, moja sotsička, Lindyr suknju,
›Wupłać mi žiwenje z twerdoh’ jastwa.‹

14. Lindyr je suknja mi wele lubša,
:,: Dyžli ty, bratśe mój neposłušny. :,:

15. ›Ja widžu, ja słyšu, moja lubka jow dže:
›Zastaj, moja lubčička, kórarje,
›Wupłać mi žiwenje z twerdoh’ jastwa.‹

16. Lubčička kórarje zastajiła,
:,: Lubemu žiwenje wupłaćiła. :,:

17. Wowčerja z jastwa won wedžechu,
:,: Štyrjo mu hercy tam piskachu. :,:

18. Bóle ći hercy tam piskachu,
:,: Bóle tón wowčeŕ tam płakaše. :,:

19. ›Šłaj staj tu nimo mi nan a mać,
:,: ›Nejstaj so smjeliłaj nan a mać.‹ :,:

20. ›Šłaj staj tu nimo mi brat’ a sotra,
›Nejstaj so smjeliłaj brat’ a sotra:
›Njetk je so smjeliła luba lubka.‹