1. Běštej tam, běštej tam towaršce dwě,
jednoho lubeho měještej.

2. Hromadźe wěnčik jom wiještej,
hromadźe jemu jón sćeleštej.

3. Domjaca wjes’le sej spěwaše,
słužowna žałostnje płakaše.

4. »Radź mi, mój towaršo, dobru radu,
što z tymaj holcomaj činić dyrbju?«

5. »Kup jimaj hromadźe jabłučko,
njech wonej wo tebje wukulitej.«

6. Prěni króć domjaca kuliła,
zmolom sej lubeho překuliła.

7. Druhi króć słužowna kuliła,
zmolom sej lubeho wukuliła.

8. Słužowna wjes’le sej spěwaše,
domjaca žałostnje płakaše.

9. »Mjelč wšak a njepłač mi, towarška,
wšako maš kubła a pjenjezow dosć.«

10. »Chceš-li mi lubeho wostajić,
ja chcu ći poł mojoh kubła dać.

11. Poł mojoh kubła a poł tych pjenjez,
poł mi tych pjenjez a młódšoh bratra.«

12. »Młódšeho bratra ja njecham měć,
poł mi tych pjenjez ja njerodźu.

13. Poł twojoh kubła ja njebjeru,
hdyž luboh samoho njekrydnu.«