1. Hólčik jědźe po wsy dele,
holčo dźěše po wodu
z tymaj nowymaj kanomaj,
z tymaj běłymaj ručkomaj.

2. »Holčo, staj tej kanje dele,
powitaj mje z ručkomaj!«
»Witaj, witaj, mój najlubši,
pój wšak ty k nam k wječeri!

3. Mojej bratraj staj na piwje,
daloko na pšeńčnym piwje.«
Hólčik dźěše do jstwy nutři,
bratraj za blidom sedźeštaj.

4. Młódši staršom bratrej praji:
»Bratře, wućehń z nóžnjow mječ!
Chcemoj jemu hłójčku ćeći,
wón chce naju sotru měći.

5. Wón chce naju sotru měći,
mój jemu ju njedamoj.«
Hólčik běše spěšny dosć,
wróći so přec w durjach zas.

6. Holčo za nim wołaše:
»Stej, mje čakaj, luby mój!
Stej, mje čakaj, luby mój,
ja chcu tebi swěrna być.«

7. »Lubuju, ja lubuju,
moje młode žiwjenčko,
moje młode žiwjenčko,
mojoh ryzy konika.«