1. Kruwarka kruwy won pušćeše,
Šołćina na prozy steješe.

2. Synka w šórcušku měješe,
kruwarka jabłóčko skićeše.

3. Rjane běłe, čerwjene,
znutřka pak z jědom zawdate.

4. Kruwarka kruwy won ćěrješe,
Šołćina jabłóčko jědźeše.

5. Kruwarka kruwy dom ćěrješe,
Šołćina hižom tam mrěješe.

6. Kruwarka kruwički deješe,
Šołćina na marach steješe.

7. Šołćina na marach steješe,
Šołta tón hwizdajo chodźeše.

8. Šołćina we rowi ležeše,
kruwarka wjesele spěwaše.

9. »Njebydź tak wjeseła, kruwarka,
ty hišće njejsy Šołćina.«

10. Přeco tam dźěchu k wěrowanju,
mały synk poča pak wołaći:

11. »Ty chceš być moja mi maćerka:
Ty pak sy maćerje mordarka.«