1. Šła je ta holička trawičku žnjeć
||: do teho hajka mi zeleneho. :||

2. Wjele tych horskow je wužnjała,
||: wulke to brěmjo sej nakładła. :||

3. Hdyž pak je wona z nim stawała,
||: da je ju šlipnyła hałžčička. :||

4. »Čakaj ty, moja mi hałžčička,
||: zo sy ty taklej mje šlipnyła. :||

5. Ja mam tam doma dwej’ bratřikow,
||: tymaj chcu dać tebje podrězaći. :||

6. Tymaj chcu dać tebje podrězaći,
||: při samej zemi preč wotrubaći.« :||

7. »Daš-li mje nazymu podrubaći,
||: nalětko biju zas młodźinki won. :||

8. Wjele mi rjeńše a zeleniše,
||: wjele mi rjeńše a młódniše.« :||

9. Zhubiš pak, holečo, twoju ty česć,
||: teje ty nihdy wjac njedóstanješ.« :||