Serbske ludowe spiwy

Ha jědnaće ćepješe, k holičce dźěch

2. »Přečo, mój luby, tak zahe dom dźeš?
Z nócku sy přišoł a z nócku zas dźeš.«

3. »Njewěš, moja lubka, zo daloko mam,
zo daloko mam a boju so sam?«

4. »Kusk chcu će přewodźeć, daloko nic,
potom ty dyrbiš sam lutki dom hić.«

5. Holička lubeho přewodźeše
hač na tón runy mi wuski pućik.

6. »Nětk chcu so wróćić a zaso dom hić,
nětk dyrbiš, luby mój, samlutki hić.«

7. Holička do dwora běžeše,
stara mać po dworje chodźeše.

8. »Hdźe sy ty chodźiła, dźowka moja,
abo štó je tebje horje wołał?«

9. »Ja sym tam w hajku w tej trawje była,
tam sym so jara ja nastróžała.«

10. »Hdźe da maš trawu a hdźe da maš serp,
hdźe da maš šórcušk a hdźe da maš brus?«

11. »To sym ja w hajku wšo zwostajała,
sama sym z njeho won wuběžała.«

12. »Ty drje sy luboh dom přewodźała,
swoju sy staru mać wobełhała!«